ВМРО-ДПМНЕ: Заев лажеше во вчерашното интервју

Од:

ВМРО-ДПМНЕ смета дека премиерот Зоран Заев во вчерашното интервју лажеше и оти имаше несигурен и површен настап, со многу празнини во однос на политиките кои планира да ги реализира новата Влада.

– Зоран Заев во вчерашното интервју лажеше, а лагите не може да ги покријат очекувањата на граѓаните од новата Влада и ветувањата кои ги даваше. Синоќешниот настап во јавноста предизвика сериозна загриженост во однос на капацитетот на Заев и неговата Влада заради правецот во кој во иднина ќе се движи Република Македонија. Заев упорно повторуваше дека е оптимист, но прашање е колку граѓаните може да бидат оптимисти, рече челнот на ИК на ВМРО-ДПМНЕ Христијан Мицкоски на денешната партиска прес-конференција.

Тој посочи дека лагите на Заев нема да го подобрат стандардот на граѓаните и додаде дека тие очекуваат од него да ги исполни ветувањата што ги даде пред избори, а не, како што потенцира, со манипулации и дезинформации да ги дефокусира од обврските кои ги презеде.

– Заев лажеше дека кој било од ВМРО-ДПМНЕ во разговорите со СДС побарал каква било амнестија. Заев излажа дека во Буџетот се останати само 6 милиони евра. Неговиот министер за финансии се пофали дека на 5 јуни се исплатени околу 77 милиони евра од Буџетот на име на субвенции, стипендии и пензии. Вистината е дека новата влада на СДС во буџетот доби 130 милиони евра, освен ако Заев не сакаше несвесно да признае дека 124 милиони евра мистериозно исчезнале, рече Мицкоски.

Нагласи дека Заев лажел и дека јавниот долг изнесувал над 50 отсто од БДП, а скриениот долг изнесувал над милијарда евра.

– Фактичката состојба гласи дека јавниот долг на 30.04.2017 година изнесувал 45,9 отсто. Со овие паушални бројки и лаги, Зоран Заев и практично го загрозува кредитниот рејтинг на Република Македонија и ризикува кредиторите во иднина да бараат повисоки каматни стапки, прецизира Мицкоски и додаде дека начинот на кој Заев пристапува кон суштинските прашања е крајно несериозен и загрижува.

Би можело да ве интересира

Средба Заев – Ајкхорст: Со Бугарија ќе продолжиме да бараме европско решение што ќе овозможи двојна победа

А1он

Мисајловски: Одбивањето на оставки од Владата за трагичниот случај во Тетово значи дека немаат морал и дека не чуствуваат одговорност

Заев: Заедничката седница со Косово е потврда на одличните односи и заедничките интереси за Западен Балкан како регион на траен мир

А1он

Заев: Навистина сме Балкан на 21 век и верувам дека еден ден сите заедно ќе бидеме членки на ЕУ

А1он

Заев-Курти: Секое унапредување на односите меѓу соседите, носи стабилност и просперитет за целиот регион

Мицкоски: Заев се поистоветува со функцијата-премиер, имам само чувство на гадење за ваквите изјави

Катерина Павлова-Николовска