„Зоран Заев има уплав од сопствениот народ, затоа панично и нервозно реагира на масовните сенародни протести на кои јасно и гласно му се кажува НЕ на неговите штетни и погрешни политики.
Додека тие се затвораат во сали или говорат пред десетина партиски поддржувачи, огромното мнозинство е на улиците и се противи на нивниот капитулантски договор со кој се загрозуваат државните и национални интереси, со кој се менува името, со кој се менува Уставот и со кој се загрозуваат историската, национална и културна посебност на македонскиот народ.
Затоа СДСМ и Заев мораат со скапи реклами да ја манипулираат јавноста со истите лаги со кои ги лажеа граѓаните пред две години. Народот виде со какви криминогени типови си има работа. Виде дека лажат со секој кажан збор. Виде дека овие не се способни ни месна заедница да водат а не пак држава. Виде дека крадат на секој чекор со иновативни методи и тендери кои си ги делат на фирмите на партиските функционери. Овие ликови од власта немаат кредибилитет ниту капацитет да ја внесат Македонија во ЕУ, бидејќи се корумпирани и компромитирани до коска, а тоа сигурно не се европски вредности.
Напредокот и европската иднина на Македонија се градат со многу работа и посветеност, а не со организиран грабеж кој што го прават на сопствениот народ и сопствената татковина под превезот на референдумот и прашањето за името.
Затоа е стравот на СДСМ и Заев од своите граѓани и ние тоа го разбираме. Тие знаат дека народ никој не може да победи, затоа што во народот е силата. Тие знаат дека Македонија на крајот ќе победи!“, се вели во реакцијата на ВМРО-ДПМНЕ.
