„СДСМ крајно неморално го злоупотреби процесот на вакцинација во контекст на референдумот. Крајно неетички се упатуваат закани и уцени кон граѓаните дека само доколку го поддржеле референдумот за бришење на македонскиот идентитет ќе добиеле поквалитетни вакцини. Ваквите постапки на Филипче, Заев и СДСМ се срамни и ја уриваат довербата во здравствениот систем.
Здравството е во клиничка смрт. СДСМ и Филипче му ги гасат последните шанси за живот.
Венко Филипче обидувајќи се да го оправда капитулантскиот договор за промена на името фрли сомнеж дека вакцините во Република Македонија не се по стандарди и се со послаб квалитет од тие во ЕУ.
Илјадници родители се изреволтирани и чекаат одговори, дали вакцините во Република Македонија се со послаб квалитет од вакцините во ЕУ, како што алудираше Филипче.
Со СДСМ на власт понижени се и здравствените работници. Заев ветуваше 15% покачување на платите на лекарите во првите шест месеци откако ќе ја преземе власт, за сега 13 месеци потоа да најавува дека покачувањето ќе биде само 5%. Ова е понижување за целата фела. Заев го потценува нивниот труд и придонес кој го даваат во општеството.
Неодговорноста на власта дополнително резултира и со голем број на човечки загуби. Секојдневно луѓе ги губат своите животи поради немарност на власта.
Филипче и СДСМ наместо да понесат одговорност за починатото дете се правдаат и бегаат.
Филипче и СДСМ ги интересираат само милионските тендери, тоа и го гледаме најубаво по преполните клиники со смет, каде нема кој да исчисти, па се создаваат цели депонии, само затоа што министерот е зафатен во делење тендери.
Овој хаос мора да запре. СДСМ не знае како да го управува здравството. СДСМ мора да си замине“, се вели соопштението на ВМРО-ДПМНЕ.