Разбираме дека на СДСМ му е многу важно подадената рака од ВМРО-ДПМНЕ да ја прикаже како надворешен притисок, а тие дека се некакви победници и дека не прифатиле никаков притисок.
Со задоволство ќе ги оставиме да живеат во тој нивен виртуелен свет на самолажење, сон дека сите веруваат во нивниот измислен филм. За нас е важно државата и нејзините граѓани да не трпат штета од дезориентираноста и безидејноста на водството на СДСМ, порача ВМРО-ДПМНЕ во реакција на соопштението од СДСМ, во кое исто така беше одговорено дека лидерот на СДСМ ја прифаќа поканата за средба со претседателот на ВМРО-ДПМНЕ, Никола Груевски.
Владејачката партија порачува дека остава СДСМ да го одреди терминот.
„Во тој правец, помагајќи да се чувствуваат позадоволни, терминот на средбата ќе го препуштиме да го одредат тие. Нека биде тоа еден мал придонес на ВМРО-ДПМНЕ за зголемување на авторитетот на ова раководство на СДСМ, пред сè внатре во сопствената партија“, се вели во реакцијата од ВМРО-ДПМНЕ.
