„Интересите на граѓаните се бранат во институтциите кои граѓаните ги избрале и гласале за нив на слободни, фер и демократски избори“, се вели во писмената реакција на ВМРО – ДПМНЕ на изјавата на координаторот на пратеничката група на СДСМ Игор Ивановски во која тој посочува дека интересите на граѓаните и демократијата ќе ги бранат надвор од институциите.
Според соопштението, ставот и принципот на СДСМ „се бориме за демократија, а ќе ги рушиме институциите“, преставува непочитување на граѓаните, вклучително и на нивните гласачи, како и погазување на демократските вредности.
За демократија не се бори со инциденти, подбуцнувања и непочитување на правилата, туку со искрен пристап и демократски методи. За демократијата не се бори со напад на службени лица, физичко и вербално пресметување со колеги пратеници и насилно превземање на претседателското столче во Собранието, туку со дијалог, дебата и заемно разбирање, стои во реакцијата.