Опозициската ВМРО-ДПМНЕ обвинува дека Генералниот секретаријат на Владата и нејзиниот прв човек Драги Рашковски работат незаконски.
Според Зекир Рамчиловиќ, член на ИК на ВМРО-ДПМНЕ, Рашковски незаконски разрешува и поставува во најголем дел некомпетентни и неспособни партиски кадри.
– Сите овие одлуки се спорни. Сите овие решенија ќе паднат кога судовите и надлежните институции ќе се одважат и нема да потклекнуваат на притисоците од СДС, односно кога ќе почнат да постапуваат исклучиво според законот, рече Рамчиловиќ на прес-конференција.
Тој тврди дека Рашковски го ангажирал својот кум Дејан Костиќ за адвокат на владиниот Генерален секретаријат, што, како што наведе, е е врв на непотизам и самовластие.
Рамчиловиќ праша зошто е ангажиран адвокатот Костиќ, кога, како што посочи, Секретаријатот има правна служба.