Прес конференцијата на СДСМ, во која обвинија дека наместо непродуктивни трошоци, власта треба да ги врати парите во здравството, со реакција се јави ВМРО-ДПМНЕ.
Потсетуваат дека во 2005 година кога СДСМ била на власт буџетот на Фондот за здравствено осигурување изнесувал 15 милијарди 249 милиони денари, а сега е 22 милијарди 85 милиони денари, што е за седум милијарди денари повеќе.
„Тоа значи дека годинава седум милијарди денари ќе има повеќе за здравството, споредено со последната година кога СДСМ беше на власт. Тоа значи дека сега дури и со штедењето во буџетот, Владата на ВМРО-ДПМНЕ одвојува повеќе отколку од времето на СДСМ. Повеќето пари значат повеќе и подостапни лекови за граѓаните, зголемениот буџет ќе се користи за дијализа, трансплантации, медицински помагала, за се она што е потребно на граѓаните“,стои во реакцијата на ВМРО-ДПМНЕ на прес конференцијата на Станка Анастасова од СДСМ.