„Владата на СДС ја покажува својата негрижа и неработење.
Тие наместо да се грижат за социјалните групи кои се на маргините тие се водат од тесно партиските интерси. Министерката за труд и социјална политика го покажа свое лицемерие, до пред неколку месеци ветуваше брда и долини, а сега ни збор не споменува од покачување на социјалната помош.
Владата на СДС спроведе ребаланс на буџет од кој јавноста виде дека ќе се зголемуваат ставки за договорни услуги, ќе отвора простор за партиски вработувања, но затоа ќе крати средства за градинки, пензионерски домови и дневни центри за згрижување на деца со посебни потреби.
Почитувани уште еднаш се потврди правилото дека СДС ветува едно во опозиција друго прави на власт.
Разликата е очигледна, тие се целосна спротивност на ВМРО-ДПМНЕ. ВМРО-ДПМНЕ во својата програма јасно вети дека ќе ја покачува социјалната помош за ранливите категории граѓани за 10,6% на годишно ниво, односно секоја година покачување за нови 10,6%. Тоа значи дека ако ВМРО-ДПМНЕ беше на власт оваа 2017 година примателите на социјална помош ќе добиеа поголема социјална помош за 10,6%.
Тоа е вистинската грижа и одговорност која граѓаните сакаат да ја видат и од СДС.
ВМРО-ДПМНЕ во изминатиот период од 2006 до 2016 ја покачи социјалната помош за околу 70%. ВМРО-ДПМНЕ тоа што го ветувало тоа и го остварувало. Така ќе биде и во иднина. ВМРО-ДПМНЕ како еден од своите врвни приоритети го има подобрувањето на животниот стандард, подобрувањето на условите за живот и намалувањето на социјалниот ризик за примателите на социјална парична помош.
Жалиме што СДС и министерката Царовска не покажуваат интерес за оваа група луѓе односно граѓани. Нивната неодговорност и неспособност не ветувааат дека ќе ги зголемат социјалната помош, платите, пензиите за граѓаните.
Впрочем ако им беше тоа намерата, тие тоа досега ќе го направеа, барем преку ребалансот на буџетот. Наместо за потребите на граѓаните тие се фокусираа на партиските вработувања, на ангажирање на шарени револуционереи, твитер ликови и слични партиски поддржувачи на СДС“, изјави Невенка Стаменковска.