„Дезертерот Ковачевски е трајно неспособен, тоа е дијагноза, која сам ја пријавил во АРМ. Ако е трајно неспособен за војска, како е способен за извршување на функцијата премиер? И дали затоа бега од утврдување на неговата деловна способност? Дезертерот Ковачевски избегнал служење војска на сопствената држава во време кога Македонија се соочуваше со воен конфликт и голем број на граѓани самоиницијативно се приклучуваа во АРМ“, велат од ВМРО-ДПМНЕ.
„Со ова дезертерот Ковачевски докажува дека не се бори ниту за државата, ниту за граѓаните, туку за сопствениот интерес и бенефит. Дезертерот Ковачевски мора да собере храброст и да одговори кога ја лажел јавноста кога изјави дека не отслужил воен рок бидејќи бил на студии или кога поднел документ дека е трајно неспособен.
Доколку дезертерот Ковачевски не одговори тогаш вистината е дека тој навистина е трајно неспособен.
Дополнително, потребно е испитување на деловната способност на дезертерот Ковачевски бидејќи истиот може во наредниот период да нареди извршување на дејствија и донесе несоодветни одлуки кои што ќе бидат на штета на државата и на граѓаните, и притоа да избегне кривична одговорност со документот дека е трајно неспособен.
Владата на антимакедонската СДС е составена од дезертери и луѓе со дијагноза трајно неспособни. Претходно Талат Џафери дезертираше од АРМ, а сега и Димитар Ковачевски. Не може дезертери од АРМ да бидат на високи раководни позиции.
На државата и се потребни способни луѓе кои што ќе можат соодветно да одговорат на сите предизвици. Затоа е потребно оставка и распишување на предвремени парламентарни избори“, соопшти ВМРО-ДПМНЕ.