„СДС е во паника бидејќи не може да ги сокрие криминалите на Заев и не може да ги реализира ветувањата што злосторничкото здружение од раководството на партијата ги дало со прифаќањето на Тиранската платформа.
Затоа СДС се обидува со континуирано пласирање лажни вести да ја манипулира јавноста. Деталните урбанистички планови во општина Аеродром се донесени легално и тие се во функција на развојот на општината како една од најубавите места за живеење во Скопје но и во цела Македонија.
Во општина Аеродром има изградено повеќе нови паркови со над 50.000 нови садници кои се дел од урбаното живеење.
СДС не може да се помири со фактот дека другите општини не го следат криминалното работење на Општина Струмица и начинот на кој што криминалецот Зоран Заев ги дели сите тендери само на неговите семејни фирми или на фирмите на партиските послушници. Струмица гас, Цареви кули, Глобал и илјадници други случаи се најдобар показател за криминалниот начин на кој СДС ги краде буџетските средства.
Ги повикуваме советниците од СДС да не манипулира со граѓаните на општината и да почнат со работа во корист на жителите на Аеродром“ се вели во соопштението на ВМРО-ДПМНЕ.