„Власта на ДУИ и СДС го покажаа своето лицемерие на дело. Толку од европските вредности на ДУИ и СДС. Самите предлагаа уставни промени по хрватскиот модел на преамбулата, модел на земја членка на ЕУ, за сега никаде да ги нема“, велат од ВМРО-ДПМНЕ.
„Наместо криење по канцеларии, како што тоа го прави власта, ВМРО-ДПМНЕ јасно и гласно кажува дека хрватскиот модел, таков каков што е, да се преслика во уставот на Република Македонија.
Молкот на власта на Ковачевски покажува дека тие не се спремни една таква европска преамбула да ја прифатат, туку сакаат повторно да прават егзибиции.
Егзибициите на СДС и ДУИ веќе му се преку глава на народот.
Граѓаните гледаат дека не си имаат работа со европски политичари во власта, туку само со кариеристи кои заради личен интерес се подготвени да направат се само да се задржат некој ден повеќе во фотелја.
Овие луѓе, на чело со Ковачевски немаат ниту европски вредности, ниту имаат национално и државничко чувство. Тие се купи ден политичари, кои тргуваат со националните интереси.
Последната реторика која ја имаа со предлагање на хрватскиот модел на преамбула, од која потоа самите ретерираа, само ја покажува нивната кусогледост и хипокризија“, соопшти ВМРО-ДПМНЕ.