„Продолжува непринципиелното и неизбалансирано информирање на дел од медиумите кои отстапуваат илјадници секунди и објавуваат стотици написи секој ден во полза на лагите и манипулациите на СДСМ, додека истовремено ги извртуваат ставовите и неаргументирано го напаѓаат ВМРО-ДПМНЕ.
Тезите произлезени од фабриките за афери на СДСМ беа промовирани во 4533 секунди на централните вести и дебатни емисии на ТВ Телма, а ТВ 24 Вести на наративот идентичен со тој на СДСМ и на неаргументирано напаѓање на ВМРО-ДПМНЕ посвети 1150 секунди во еден блок на централните вести.
Пропагандата на СДСМ на нивните омилени телевизии беше застапена со вкупно 5683 секунди во само еден појас на информативни програми и дебати. Само во месец март СДСМ доби цели 146.850 секунди за ширење на својата манипулативна пропаганда, додека од почетокот на месец април доби 102.203 секунди во истиот програмски појас на овие две телевизии.
Ова е избалансираното новинарство кое го сака СДСМ – илјадници секунди за нивните измислици и лаги секој ден на телевизиите и стотици нарачани текстови на порталите.
СДСМ никогаш не сакал слободни медиуми. СДСМ ги сака само медиумите над кои има целосна контрола“, велат од центарот за комуникации на ВМРО-ДПМНЕ.