ВМРО-ДПМНЕ во пишаната реакција на соопштението на СДСМ го повтори ставот дека со стратегијата за мигранти и бегалци во опасност се доведува целокупниот безбедносен, здравствен и економски систем во државата и оти приоритет на власта треба да бидат граѓаните на Република Македонија.
Според партијата, министерката за труд и социјална политика Мила Царовска се обидува да го игнорира мислењето на народот и да спроведе стратегија спротивно на волјата на народот.
– Македонија од транзитна земја ќе стане земја во која постојано ќе се населат мигрантите. Според планот во стратегијата мигрантите ќе добијат право на државјанство со што ќе станат обврска на државата за нивна грижа за вработување во ситуација кога се уште невработеноста во Македонија е голема. ВМРО-ДПМНЕ се залага приоритет да биде грижата за граѓаните на Република Македонија и за нив да се обезбедат подобри услови за живот, стои во реакцијата од ВМРО-ДПМНЕ.