Има разликата во работењето меѓу ВМРО-ДПМНЕ и СДСМ и затоа граѓаните 10 години по ред гласаат за просперитетна иднина и затоа и во април следната година ќе ја дадат својата поддршка на опцијата која им нуди проекти и реализација, а не лаги и лицемерие, стои во реакцијата на ВМРО-ДПМНЕ на денешната трибина организирана од опозициската партија.
СДСМ никогаш не бил на страната на работниците. Ако СДСМ застанеше зад работниците, немаше 200.000 да останат на улица и без работа, а над 400 големи фирми да бидат затворени, немаше да ја достигнат највисоката стапка на невработеност од 38 отсто, ќе донесеше Закон за минимална плата и ќе гарантираше минимална заштита, ќе донесеше барем една странска инвестиција, се наведува во соопштението од ВМРО-ДПМНЕ.
Грижата за работниците ВМРО-ДПМНЕ, како што се наведува, ја покажува на дело со отварање на 140.000 нови работни места и намалување на невработеноста од 38 на 26,8 отсто, со привлекување странски инвестиции, со носењето на Закон за минимална плата која што ќе се зголемува етапно, со намалување на партиципацијата, отворањето на нови универзитети, реновирање на постоечките студентски домови и подготовка за изградба на нови.