ВМРО-ДПМНЕ денеска во реакција на изјавата на портпаролот на СДСМ Петре Шилегов, посочува дека партијата во ситуација кога се соочува со внатрепартиски недоразбирања се обидува да го одвлечат вниманието на јавноста.
-Денес СДСМ душегрижнички држи прес-конференции за стандардот на граѓаните, а заборава дека парите во нивно време одеа на скапи бисерни гердани. Доколку СДСМ не создадеше криминална приватизација и транзиција веројатно во државата немаше да има над 200.000 стечајни и отпуштени работници и немаше да достигнеме стапка на сиромаштија која беше толку голема што никој не ја ни мереше, се наведува во соопштението.
Оваа влада, како што се наведува, буџетските средства ги наменува и за градење на објекти за државни институции и за спомен обележја, но истовремено успева и во време на економска криза да ги покачува платите, пензиите, социјалните трансфери и да одвои голем процент за средства за субвенции на земјоделските производители.