По прес-конференцијата на пратеникот Костадин Костадинов од СДСМ, реагира ВМРО-ДПМНЕ.
„СДСМ ги урна позициите на Република Македонија на меѓународен план и во спорот со Грција , а од друга страна со криминалот, корупцијата, грабежите на народни пари и неспособноста ја врати државата назад во времето на криминалната транзиција, наместо да ј доближи кон европските стандарди“, велат од ВМРО-ДПМНЕ
Според нив, СДСМ се плаши од фер и демократски избори, односно, како што велат, СДСМ се плаши од ефективна борба против криминалот и корупцијата.
„СДСМ се плаши од професионални и независни институции. Одговорност мора да има за референдумскиот фалсификат и за сите криминали на владата на СДСМ. Македонија е пред нова политичка криза како резултат на неспособноста на Заев и СДСМ. Излез од политичката криза ќе биде прифаќањето на барањата на ВМРО-ДПМНЕ. Доколку СДСМ навистина сака предвремениизбори , потребно е формирање на техничка пржинска влада, содржински иста онаква каква што имаа СДСМ и Зоран Заев пред изборите во 2016-та година. Одговорност за криминалите на власта мора да има, поради тоа второто барање е ЈО кој ќе е на предлог на опозицијата. Третото барање е формирање на собраниска комисија која ќе ги разгледа нерегуларностите при референдумскиот процес, за да истите не ни се повторат за време на предизборието и на самиот ден на гласање“, додаваат оттаму.
„Втората опција е Заев и СДСМ веднаш да се откажат од капитулантскиот договор, а потоа да се одржат предвремени парламентарни избори. После изборите ВМРО-ДПМНЕ ќе поддржи создавање на нова обвинителска институција за сузбивање на организираниот криминал и корупција, веднаш по завршување на работата на постојното политизирано јавно обвинителство“, се вели во соопштението испратено од ВМРО-ДПМНЕ.