ВМРО ДПМНЕ реагира на изјавата на претседателот на СДСМ, Зоран Заев, по лидерската средба. Од таму велат дека Заев е осамен во намерата да има избори и дека тие би биле на штета на здравјето на граѓаните.
„Заев е некрофил кој сака да брои жртви наместо гласови за да си ја задржи фотелјата која му обезбедува пари.
СДСМ сака да оди на избори кои ќе бидат кланица за граѓаните, особено повозрасните и хронично болните.
Заев не го есапи здравјето на граѓаните, на Заев му е единствено битно да продолжи да дели лиценци за марихуана додека луѓе умираат и да се расфрла со тендери на нему блиски фирми. Доколку му беше важно здравјето на граѓаните немаше денеска во ден кога броиме над 100 жртви да заговара брзи избори, а гледа дека ситуацијата со заразени не стивнува, а смртноста расте“, пишува во реакцијата на ВМРО ДПМНЕ.
Според нив, Заев и СДСМ се единствен политички субјект кој сака брзи избори.
„На сите лидери на политички партии поважно им е здравјето на граѓаните, само на Заев неговите милиони и фотелјата“, велат од ВМРО ДПМНЕ.