Владејачката ВМРО-ДПМНЕ во реакција на соопштението на СДСМ по средбата на раководството на опозициската партија со еврокомесарот Штефан Филе оценува дека „СДСМ продолжува со својата срамна и неодговорна улога свесно штетејќи им на државните интереси“.
– Нивното неприфаќање на изборните резултати е бегство од реалноста, а нивното однесување е свесно одработување за туѓи интереси. Ваквото однесување на СДСМ има порака дека не се виновни тие што немаат понуда, туку народот што не ги гласа и заради тоа тие свесно ја казнуваат земјата и народот со вакво нивно срамно и деструктивно однесување, наведува ВМРО-ДПМНЕ во реакцијата.