Пратеничката група на ВМРО-ДПМНЕ денеска изрази разочарување и го осуди потегот на СДСМ повторно да не учествува во работата на седниците на Собранието на Република Македонија.
– На тој начин покажуваат дека ништо не менуваат во своето однесување. Имаат можност преку учество во расправа и посебно преку поднесување амандмани квалитативно да влијаат, но не го направија тоа.
– Единствено седниците на Собрание ги користат да изнесат критики за нас, да манипулираат без да се осврнуваат на резултатите, изјави директорот на Центарот за комуникации на ВМРО-ДПМНЕ Илија Димовски.
Од ВМРО-ДПМНЕ информираат дека врвен приоритет на владејачката партија останува формирањето на ат-хок комисијата за настаните од 24 декември.
Изразуваат надеж дека новото раководство на СДСМ ќе има многу поконструктивен приод во однос на комисијата и изборот на нејзин претседател.