СДСМ очајно се обидува да го испере Зоран Заев од одговорноста за добивањето на јавни набавки во Струмица на фирми на неговиот татко, чичко, братучедка, стрина и кој ли уште не од неговото семејство. Јавните набавки ги доделувале институции кои се директно одговорни пред Зоран Заев и директори кои лично тој ги назначувал, се вели во писмената реакција од ВМРО-ДПМНЕ, насочена по денешниот став на СДСМ.
„Од СДСМ се обидуваат вината да ја префрлат на жртвените јагниња кои Зоран Заев ги назначил во Струмица да прават бизнис со фирмите од неговиот клан. Ако веќе парите на струмичаните завршуваат во џебовите на Заеви, редно е Зоран Заев да излезе и доблесно да го признае тоа. Тој е единствениот кој што има морална и политичка одговорност во случаите кога неговите семејни фирми добиваат јавни набавки во Струмица“, се вели во соопштението од ВМРО-ДПМНЕ.