СДСМ е решена да користи лични и семејни трагедии и да гради политика врз нив.
АРМ е институција со дигнитет граден врз база на обученоста и подготвеноста на војниците и опременоста на Армијата, а тоа е покажано и докажано до сега, се вели во реакцијата на ВМРО-ДПМНЕ на прес-конференцијата на Максим Димитриевски од СДСМ.
– Впрочем, ако СДСМ смета дека Армијата не ни е функционална, тогаш најдобар демант ќе добијат од признанијата на нашите НАТО партнери. Навистина е жално што СДСМ во трката по партиски поени, гази преку човечки судбини, злоупотребува трагични настани, плука по државните институции и го доведува во прашање капацитетот на нашите војници. Ова што го прави СДСМ е срамно и нечовечки и надвор од сите политички стандарди, се вели во реакцијата на ВМРО-ДПМНЕ.