ВМРО-ДПМНЕ испрати соопштение, реакција на соопштението на СДС кое се однесуваше на изјавата на Милош Милошевски.
„СДС ги користи институциите за вршење на репресија и тортура врз граѓаните и стопанствениците. УЈП под капата на Лукаревска, другарката на Богоев затвора објекти во организирана акција против своите неистомисленици.
Скандалозно е тоа што СДС затвора локали само заради тоа што делеле шеќерчиња со лого на општината во која се наоѓаат.
Срамно е што СДС ја користи инспекцијата за репресија и тортура на угостителите и стопанствениците.
СДС ја злоупотребува власта и ја користи за пресметка со своите неистомисленици.
СДС ја става на коцка судбините на вработените кои поради хировите на Сања Лукаревски и одмаздата на Заев ги загубија работните места. Многу фамилии ќе останат без своите примања благодарение на другарката на Стефан Богоев.
За целиот хаос во кој СДС ја втурна државата ќе се соочат со казната на граѓаните на претстојните локални избори на 15 октомври“ се вели во соопштението на ВМРО-ДПМНЕ.