„На Зоран Заев и политичарите на СДСМ не им е местото во Велес.
Велес е градот кој најмногу пропати од политиките на СДСМ кои значеа затворање на фабрики, технолошки вишоци и бркање луѓе на улица без работа.
СДСМ во Велес е синоним на поимите транзиција и криминална приватизација.
СДСМ во Велес е синоним за грабеж, пустош на економијата и уништување на цели семејства. Заради штетите кои зад себе ги оставија СДСМ и Заев никогаш не се добредојдени во Велес.
На СДСМ и Заев не им е местото во Велес затоа што од град на индустријата го направија град на невработеноста и сиромаштијата.
СДСМ и Заев не се пожелни во Велес затоа што ги распарчија најголемите фабрики во градот и оставија илјадници наши сограѓани на улица.
Нема добредојде од Велес за Заев и СДСМ затоа што оставија рекордни 16.912 луѓе без работа.
Нема место за СДСМ и Заев во Велес затоа што ја пропаднаа фабриката Порцеланка и ги тепаа работниците само затоа што си ги бараа сопствените плати.
СДСМ и Заев не се пожелни во Велес затоа што уништија и ставија катанец на фабриките Свилара, Брако, Графичар, ВелесПром, Интернационал, Транс Велес, ХИВ, ГП Бетон, ГП Пелагонија и ГП Младост.
Заев и СДСМ не се пожелни во нашиот град затоа што поставуваа роднини за судии и стечајни управници за фабриките во Велес, кои преку стечајни постапки направија да ги украдат луѓе блиски на СДСМ.
Има голема разлика помеѓу политиките кои ги водеше ВМРО-ДПМНЕ и политиките на СДСМ. Тоа велешани најдобро го знааат.
Додека во време на СДСМ фабриките се затвараа, во време на ВМРО-ДПМНЕ се отвораа нови фабрики, а некогаш затворените погони повторно се рестартираа“, изјави Ѓорѓи Коџабашиев.