Најавата за радикализација на протестите е само паничен рефлекс на СДСМ затоа што гледаат дека ја губат поддршката дури и од нивните малубројни членови. Ако Црвенковски и СДСМ се убедени дека граѓаните се на нивна страна да излезат на локални избори, кои ќе бидат со силен меѓународен мониторинг и по сите меѓународни стандарди, се вели во реакцијата на ВМРО-ДПМНЕ на денешната изјава на генералниот секретар на СДСМ Андреј Петров.
Од оваа партија со порака до СДСМ, да осмислат програми и проекти, кои сметаат дека се добри за граѓаните, да најдат соодветни кандидати и да излезат на избори, на кои граѓаните ќе одлучуваат кому му веруваат и кој има подобра програма, а кој не.
– Цела оваа налудничава реторика на викања, удирања во гради, повторување дека народот е со СДСМ, а сите ние јасно гледаме дека народот не е со нив, како и реториката на самоповредување и борба со замислен противник во која Бранко сака од Гадафи да се претвори во Че Гевара, е тотално непродуктивна, наивна и никој во домашната, а ниту во меѓународната јавност не ја прифаќа. Доста глумите и се однесувате недостоинствено и самите се понижувате! Вратете се во институциите и излезете на локални избори, па да видите народот што мисли за вас, стои во соопштението од Центарот за комуникации на ВМРО-ДПМНЕ.