СДСМ да престане со првоаприлски пресови, работата е сериозна, Заев ги загуби изборитe и треба да го оствари ветеното, оставка се вели во реакцијата од ВМРО-ДПМНЕ на денешната прес конференција на портпаролката на СДСМ Богданка Кузеска.
-Заев изгуби избори во мнозинството од општините. ВМРО-ДПМНЕ победи во над 40 општини. СДСМ изгуби со над 100.000 гласови разлика. СДСМ нема легитимитет од народот за да владее. Тие се делегитимирани.Заев знае дека никој повеќе не верува во него, ниту пак го следи, затоа и не ги пушти пратениците во сала. Заев се плашеше дека и неговите пратеници ќе гласаат за негов пад.Заев е тој кој ја уби демократијата. Заев треба да си даде оставка затоа што ги загуби изборите се вели во соопштението од партијата.