Самобендисаноста, ароганцијата и отуѓеноста на СДСМ не им дозволува реално да ги видат работите, реагира ВМРО-ДПМНЕ на соопштението на СДСМ.
„Раководството на СДСМ мисли дека ужива поддршка од граѓаните, иако на 9 изборни циклуси по ред граѓаните јасно и недвосмислено ја казнува нивната безидејна и деструктивна политика, со која им штетат и на граѓаните и на државата. Впрочем во СДСМ сè уште владеат истите луѓе кои ги аминуваа штетните политики на СДСМ од времето на криминалната приватизација, транзицијата која остави над 200 000 невработени и стотици затворени фабрики, кога се богатеа партиските олигарски, а народот осромаши до тој степен што не можеше ниту да се измери. Граѓаните тоа им го паметат и затоа не им ја даваат довербата и денес, бидејќи во СДСМ ништо не се променило“, се наведува во соопштението.
Владејачката партија истакнува дека е време СДСМ да почне да се однесува како „сериозна и конструктивна политичка партија“.