ВМРО-ДПМНЕ: СДС со Фркчовистички совет ќе се обиде да го контролира судството и да инсталира нови „Катици“

Од:

„СДС со Фркчовистички совет ќе се обиде да го контролира судството и да инсталира нови „Катици“ за да има целосна контрола.

Љубомир Фрчковски е човек кој во режимот на СДС своевремено се занимавал со политички местенки и прогони на луѓе само заради нивните политички определби. Љубомир Фрчкоски е лустиран за ова свое делување и со правосилно судско решение не смее да врши јавни функции. Лустрираниот Фркчовски е еден од идеолозите на смената на над 600 судии во само неколку минути строго по политичка основа, со кој СДС изврши комплетна партизација на судството.

Лустрираниот Фрчковски според кажувањето на неговите колеги нема ниту еден научен труд и заслуга по која ќе се памети, освен по кочијашкиот речник, навредите и насилничкото однесување.

Безобразно е сега Зоран Заев да го предлага лустрираниот Фрчковски за реформатор на судството, исто како што е безобразно на претседателот на комисијата за политички систем на СДС Маргарита Цаца Николовска да и се даде овластување да го реформира судството по теркот на Заев.

Во фрчковистичкиот совет за реформи, Заев си ги предложи и Гордан Калајџиев и Мирјана Најческа само затоа што со него заедно фрлаа со боја врз државните институции.

Во советот за реформи нема ниту еден претседател на најголемите судови во Република Македонија, вклучувајќи го и Претседателот на Врховниот суд, како претставник на фелата.

Јасно е дека СДС нема намера да работи на натамошно засилување на судската власт како независна!

Заев и СДС во рамките на новиот режим кој го инсталираат во Македонија и во склад со напорот партијата да се направи држава, а државата партија, сакаат повторно да воспостават строга партиска контрола врз судството.

Затоа им требаат луѓе како лустрираниот Фрчковски на кои ќе им дадат можност да глумат непартиски експерти и да кажат дека СДС мора да направи реизбор на судиите и да си намести нови стотици „Катици“ низ сите судови кои ќе ја спроведуваат политичката агенда и нарачките на Заев и неговите партнери.

Овој совет на СДС има за цел целосно да го покори правниот систем, да ги понижи судиите и да ги натера да му се поклонуваат на Зоран Заев. Со ваквиот партиски совет на СДС, Зоран Заев сака свои послушници во судството кои ќе го спроведуваат политичкиот прогон на неистомислениците и политичките противници од ВМРО-ДПМНЕ, за да можат Заев и партнерите непречено да го спроведуваат своето црно сценарио во Македонија преку режимот кој го инсталираат во моментов“, изјави Невенка Стаменковска.

Би можело да ве интересира

СДСМ: Учебната година со физичко присуство се одвива успешно

Мисајловски: Одбивањето на оставки од Владата за трагичниот случај во Тетово значи дека немаат морал и дека не чуствуваат одговорност

СДСМ: Мицкоски нека си ги пакува куферите после седмиот изборен пораз по ред, нема да го примат ниту во Белиот дворец

А1он

Кузеска: Мицкоски подмолно ги злоупотребува чувствата на семејствата на трагично загинатите во Тетово

Тасевска: Каматата веќе не смее да биде повисока од долгот, усвоени измените на Законот за облигациони односи

СДСМ: Ништо не се менува во ВМРО-ДПМНЕ, партијата на Мицкоски знае само да работи против интересите на граѓаните