ВМРО-ДПМНЕ: Само народот на Република Македонија може да одлучува во каква земја сака да живее

Од:

„Само народот на Република Македонија може да одлучува во каква земја сака да живее. Само народот може да одлучува дали сака суверена и унитарна Македонија која се гордее со мултиетничноста или федерализирана, бинационална држава.

Ваквата одлука народот ја носи на избори, а не со подметнати постизборни платформи изготвени и потпишани во туѓи држави.

На Република Македонија и треба обединување околу највисоките државни и национални интереси.

Јавноста секојдневно е сведок на негаторски изјави насочени кон Македонија и нејзиниот идентитет, кои доаѓаат од творецот на Тиранската Платформа, неговите министри, коалициони партнери, но и од факторот од кој ќе зависи идната Влада на Заев, Зијадин Села.

На сите овие изјави СДСМ молчи и премолчено ги одобрува ваквите политики и ставови насочени против Република Македонија.

На Република Македонија неопходно и е обединување околу највисоките национални и државни интереси.

Тоа го нуди Манифестот за Единствена Република Македонија, кој го предложи ВМРО-ДПМНЕ во интерес на државата.

Манифестот за Единствена Република Македонија повикува на национално обединување на сите граѓани, верски организации, партии и општествени чинители.

Темел на Манифестот е обединување околу државните и национални интереси и зачувување и промоцијата на националниот, културниот и јазичен идентитет на Македонците и граѓаните од останатите етнички групи и заедници.

СДСМ молчи околу Манифестот кој обединува и сплотува, а прифати да ја реализира Тиранската Платформа која разединува.

Дали на СДСМ му пречат принципите за владеење на правото? Бидејќи наместо владење на правото и правната држава сакаат заробена држава под плаштот на СДСМ и нивните роднинско кумовски врски во правосудниот систем по примерите: Медарски, Бубевски и СЈО.

Дали можеби СДСМ е против спроведување на попис на население? Дали со тоа намерно се остава отворена врата на политичарите од соседството да лицитираат со бројки и да се поткусуруваат со Република Македонија.

СДСМ е против овој обединувачки Манифест, а е за Тиранската Платформа која пропагира бинационалност, двојазичности и конфедерализам.

Со прифаќањето на Манифестот, Република Македонија ќе покаже дека е земја со исправена кичма и високо изградена национална свест и чувство на грижа за сите нејзини граѓани.

СДСМ е против сплотеност и взаемен просперитет на Република Македонија и сите нејзини граѓани.

Токму затоа народот е на нозе!

Токму затоа Македонија се буди!“, се вели во соопштението на ВМРО-ДПМНЕ.

Би можело да ве интересира

(ВИДЕО) Нелоски: Нови сознанија за криминалните пожарникарски скали на Шилегов

Ана Ололовска

(ВИДЕО) Мицевски: ВМРО-ДПМНЕ почнува со акција „Пратениците со народот“

Ана Ололовска

(ВИДЕО) Лефков: Филипче и Заев уплатиле 7.8 милиони на фантом фирмата од Хонг Конг, тоа не е гаранција, туку чиста исплата со акредитив

Ана Ололовска

ВМРО-ДПМНЕ: 25 илјади деца се во сиромаштија, а Царовска турка проект темелен на елитизам од 120 милиони евра за дигитални учебници

Ана Ололовска

ВМРО-ДПМНЕ: Павлина Црвенковска во Судски совет е продолжена маша на Заев

Ана Ололовска

Нелоски: Од средбата на Мицкоски со Пендаровски очекуваме уставобранителите конечно да добијат вистинска правда, а Заев да ги тргне рацете од правосудството

Ана Ололовска