Пратениците од ВМРО-ДПМНЕ поднесуваат закони кои за време на предизборната кампања ги ветуваше СДСМ. Покрај укинување на радиодифузната такса, денеска координаторот на шестата пратеничка група од ВМРО-ДПМНЕ, Панчо Минов поднесе предлог закон за измени во законот за извршување.
– Предлог законот за извршување го предлагаме со цел да се решат голем број на проблеми на огромна структура на граѓанството која е премногу оптоварена со казни и законски камати, за што предлагаме извршувањето да се максимализира во највисок износ колку што е главниот долг и тоа да важи за сите постапки ои се во тек и во иднина. Целта е намалување на превисоките трошоци за извршување, рече Минов.
Според пратеникот, со овој прелог закон ќе се избегнат превисоките трошоци за адвокати, нотари и извршители бидејќи има 300 илјади граѓани кои се во тек на извршување.
Ова е трет закон кој е идентичен со ветувањата на владејачката СДСМ од предизборната кампања.
Александар Тодески