Бараме Оливер Спасовски да го напушти министерството за внатрешни работи бидејќи работата ја извршува несовесно, неодговорно и нетранспарентно, рече координаторот на пратеничката група на ВМРО-ДПМНЕ, Никола Мицевски.
Тој рече дека Спасовски наместо да го сузбива, го прикривал криминалот.
– Откако тој е на оваа фунција секој ден има грабежи, убиства, насилства. МВР само прави анализи, не делува, не ги расветлува случаите. Поради тоа граѓаните ја изгубија довербата во полицијата, рече Мицевски.
Тој додаде дека Македонија е на дното на листата за борба против корупција.
– Според листата на Транспареси Интернејшанл паднати сме 17 места подолу. Затоа Спасовски мора да поднесе одговорност, рече Мицевски.
На новинарско прашање за бегството на Никола Груевски, Мицевски рече дека изготвуваат анализи и кога ќе имаат релевантни информации ќе излезат во јавноста.
Габриела Димковиќ-Мишевска