„Пиксел груп основана од Ковачевски добивала државна помош додека тој е заменик министер, ДКСК да отвори постапка. Самиот Ковачевски призна дека од него формирана фирма добивала државна помош, додека тој е на функција. Само ДКСК уште глуми дека не слуша и не гледа и ништо“, соопшти ВМРО-ДПМНЕ.
„Над 300.000 евра се исплатени кон Пиксел груп додека Ковачевски е заменик министер и мандатар за состав на нова влада.
Истата оваа Пиксел груп, е фирма која гради фабрика за само една година од основањето, а откако Ковачевски кој ја основал станува премиер, таа почнува инвестиција од 54 милиони евра во ТИРЗ Тетово.
Пиксел групне фирмата која произведува фотоволтаични панели, дел од соларниот картел, а КМГ ЕОЛ Квазар, на кумот на Ковачевски се јавува на тендери за поставување на истите.
Фирмите од аферата Броило откако е СДС на власт од државата добиле 2 милиони евра тендери и склучиле договор со ЕВН од над 2 милиони евра.
Ковачевски е во центарот на аферата Броило. Одговорност мора да има“, се наведува во соопштението на ВМРО-ДПМНЕ.