ВМРО-ДПМНЕ: Пензиите зголемени за 61,9 отсто од 2006 година

Од:

СДСМ има најмалку право да зборува кога се во прашање пензионерите. За Владите на СДСМ, оваа категорија на граѓани беше комплетно маргинализирана и заборавена, се истакнува во писмената реакција на ВМРО-ДПМНЕ на прес-конференцијата на СДСМ за зголемувањето на пензиите. 

– Доколку се применеше решението за усогласување на пензиите според пораст на трошоци за живот од 50 проценти и пораст на платите од 50 проценти, усогласувањето на пензиите ќе изнесуваше околу 2 проценти што е за повеќе од два пати помалку од предложеното решение. Со предложеното усогласување од 5 проценти, во номинален износ за сите корисници на пензија, секој пензионер ќе добие дополнителни околу 630 денари усогласување на пензијата, се наведува во реакцијата.

Партијата потсетува дека во 2006 година, просечната пензија изнесувала 7.683,00 денари, а годинава 12.445,00 денари што претставува зголемување од 61,9 проценти.

– Во времето на СДСМ пензиите беа намалени за осум проценти, што е уште еден показател дека СДСМ нема направено ништо корисно за пензионерите. Од 2008 година пензиите се исплаќаат наеднаш за сите групи на пензии, во првата седмица од месецот за претходниот. Во времето на СДСМ пензиите се исплатуваа во две или три групи во различни периоди во месецот, се вели во реакцијата.

Од ВМРО-ДПМНЕ истакнуваат дека дополнително за пензионерите се реализирани проектот бањско-климатска рекреација и бесплатен превоз, а од идната година се планира и бесплатен туристички викенд и електронско распределување во пензионерските домови.

Би можело да ве интересира

(ВИДЕО) Кузеска: За робусниот скандал на Меџити со вработување на 3.000 партиски војници мора да има одговорност

А1он

СДСМ: Меџити спроведува робусна партизација со 3.000 партиски кадри, а Мицкоски молчи

А1он

ВМРО-ДПМНЕ реагира на пресот на СДСМ: Лага е дека ќе се вработуваат 3000 лица

Петрушевски: Ако Филипче и СДС не го осудат говорот на омраза на Орданоски кон Трамп и САД тие даваат сигнал дека се согласуваат

Кузеска: Историски најголема партизација, 3000 партиски кадри ќе вработи Изет Меџити

Венко Филипче единствен кандидат за претседател на СДСМ за партиските избори на 16 март