Стево Пендаровски манипулира со јавноста, реагираа од ВМРО-ДПМНЕ на денешната прес-конференција на кандидатот за претседател на државата , Стево Пендарвоски.
„Тврдењето дека е следен сега се обидува да го релативизира до мера на баналност и со тоа покажува само дека се плаши од изборен пораз па е принуден да се бламира, со тези кои би ги користел како алиби. Оливер Спасовски и МВР мора веднаш да одговорат која странска, тајна служба го следела Пендаровски.
Доколку нема доказ за тоа јавно да кажат дека Пендаровски лаже и ја заплашува јавноста за своја лична политичка корист. Институциите не смеат да бидат само уште една сламка за спас на власта која тоне.
Граѓаните не му веруваат на Пендаровски. Тој е втор Заев, измислува, заборава, лаже. Пендаровски е само уште еден политичар кој нема намера да ги почитува Уставот и законите.
Република Македонија нема потреба од нов Заев. Државата има потреба од честит претседател, кој ќе работи согласно Устав и закон и ќе делува во согласност со државните и националните интереси“, се вели во реакцијата на ВМРО-ДПМНЕ.