„Расипничкиот и неспособен СДС во агонија се обидува да ја оправда својата влада која само за три месеци изеде стотици милиони евра, а од тоа граѓаните не видоа никакво фајде.
Фајде виде кумот на генералниот секретар Драги Рашковски кој само во еден ден, сосема непотребно доби 25 илјади денари, пари на граѓаните. СДС тоа треба да го објасни. Зошто без потреба, претставник на адвокатската канцеларија на кумот на Рашковски присуствувал на конститутивната седница на управниот одбор на Јасен и за тоа наплатил дебел хонорар од буџетските средства.
Граѓаните јасно го гледаат расипништвото на СДС кој стотици милиони евра потроши, а парите наместо кај граѓаните завршија за лешници, фстаци, мебел, партиски вработувања и дебели хонорари за кумови, шарени револуционери, твитер ликови, странски естрадни менаџери и комедијанти.
Јасна е нервозата на СДС. Граѓаните само во три месеци ја увидоа разликата. Граѓаните само за три месеци ја видоа дволичноста на СДС. Граѓаните во само три месеци ја видоа целата неспособност на СДС. Затоа граѓаните ќе им испорачаат катастрофален пораз кој ќе биде казна за целото потценување, лажење и манипулирање кое граѓаните им го правеше изминатиот период“, се вели во реакцијата на ВМРО-ДПМНЕ на реакцијата на СДСМ на прес конференцијата на Дарко Костовски.
