Огромен труд и знаење вложи ВМРО-ДПМНЕ за Република Македонија да ја добие препораката, реагира ВМРО-ДПМНЕ на ставот на СДСМ дека лично премиерот Никола Груевски ќе биде виновен ако, Македонија не добие препорака за преговори од ЕУ.
„Нема бегање од избори и од соочување со граѓаните. Огромен труд и знаење вложи ВМРО-ДПМНЕ за Република Македонија да ја добие препораката. Таа беше најголем успех не само за нас, туку за граѓаните и за државата. Знаеме колку боли кога некој прави обиди да ги сруши сите успеси во обид да се приграби ситна, лична политичка корист.ВМРО-ДПМНЕ секогаш на врвот на приоритетите ги имало интересите на Република Македонија и нејзините граѓани. Знаеме дека СДСМ не чувствува никаква одговорност, ниту кон овој свет ден за сите Македонци, ниту кон препораката или кон се што е постигнато изминативе 10 години. Може преку своите први луѓе да продолжат да пласираат тези за Премиер Албанец или албански за сите деца уште во градинка, но тоа нема да помине. Нема да поминат уцените.Ќе мора во април да се соочат со граѓаните и повторно ќе го слушнат нивниот одговор“, стои во реакцијата на ВМРО-ДПМНЕ.