ВМРО-ДПМНЕ очајно се обидува да врши притисок врз судството, владеењето на правото
е врвен национален и државен интерес, се вели во реакцијата на СДСМ на прес- конференцијата на Невенка Стаменковска од ВМРО-ДПМНЕ.
Според партијата, во страв од соочување со одговорноста за сето она што им го направи на граѓаните и
државата, ВМРО-ДПМНЕ преку празни и рециклирани прес-конференции секојдневно очајно се
обидува да изврши притисок врз судството и да го попречува владеењето на правото.
„Заврши времето кога ВМРО-ДПМНЕ и Никола Груевски преку „Сваровски“ судството и судиите од
тефтерoт на Гордана Јанкулоска монтираа случаи, вршеа прогон, се пресметуваа со
неистомислениците. Заврши времето кога судските пресуди се нарачуваа и пишуваа во штабот
на ВМРО-ДПМНЕ“, се истакнува во соопштението.
Според СДСМ, реформите во судството зацртани во реформскиот План 3-6- 9 кои ќе се спроведуваат согласно најдобрите европски пракси, обезбедуваат професионално и независно судство, ослободено од
какви било партиски притисоци и контроли. Владеењето на правото е врвен државен и
национален интерес и затоа секој оној кој направил какво било кривично дело ќе мора да
одговара за своите постапки без разлика на неговата етничка, религиска, партиска или каква
било припадност.