По предупредувања веќе подолг период дека и на Македонија и се заканува потенцијално ширење на делта-сојот на министерот Венко Филипче му текна дека навистина требало мерки. Филипче најави дека неделава ќе се разгледувало воведување на мерки на границите при влез во земјава, ама не и било каква реорганизација на институциите надлежни за справување со вирусот рече на прес конференција претседателот на Комисијата за здравство на ВМРО-ДПМНЕ, Игор Николов.
„Комисијата за заразни болести, пак, сега ќе ја разгледува состојбата, очигледно затоа што кажа Филипче, а само пред некој ден рекоа „се е под контрола, и дека мерки не требаат“. Евиденто е дека Комисјата работи под диктат на Филипче и Владата, а не професионално“ – смета Николов.
ВМРО-ДПМНЕ настапува подготвено вели Николов. Комисјата за здравство на партијата подготвила предлог мерки кои треба да се преземат. ВМРО-ДПМНЕ бара:
1. Професионализација на Комисијата за заразни болести;
2. Забрзување на вакцинацијата против Ковид-19;
3. Зголемување на контролата на границите;
4. Достапност на тестирање за Ковид-19;
5. Јасен и прецизен „Бел план” за здравствениот систем при нов бран на Ковид-19;
6. Зголемување на достапноста за рендген и лабораториските анализи за пациенти со Ковид-19;
7. Актуелизирање и обновување на протоколите за третман на Ковид-19;
8. Мапирање на здравствениот персонал;
9. План за пациентите со останати дијагнози;
10. Мапирање на здравствените капацитети;
11. Одредување на болници посветени за Ковид-19;
12. Мапирање на постоечката функционална апаратура;
13. Достапност на соодветен третман за пациенти со Ковид19;
14. Достапност на лична заштитна опрема ;
15. Пост-Ковид центри за пациенти коишто прележале Ковид-19;