Пратениците на ВМРО-ДПМНЕ реагираа остро во однос на точката за поставување на заменик-директор на Агенција за поттикнување за развој на земјоделството.
Пратеникот Зоран Илиоски од ВМРО-ДПМНЕ на дебатата упати критики до владејачката партија дека избираат заменик директор наспроти ветувањата.
„Не ветивте дека ќе ја зголемувате администрацијата. Сега ќе си поставувате заменици директори, сметководители и што ли уште не. Не го ветивте тоа, ама ете си го правите. Многу работи ветивте, но ништо не направивте“, рече Илиоски.
На Илиевски се надоврза и неговата колешка од ВМРО-ДПМНЕ, Жаклина Пешевска, која рече дека веднаш било набавено ново возило од 16 илјади евра и нов мебел за канцеларијата на заменикот.
„Во оваа Агенција ќе се вработат уште 30 нови административци. Парадоксално е ова што го правите“, рече пратеничката од ВМРО-ДПМНЕ.
На дебатата, збор зема и Татјана Прентовиќ од СДСМ која истакна дека Агенцијата има потреба од човечки капацитети.
„Агенцијата постоела 20 години, а не била видлива. Оваа агенција, требало да има човечки капацитети, има 70 советници, но тоа не доволно. Техничкиот потенцијал е намален и сметаме дека ова Агенција треба да ги зголеми капацитетите. Затоа треба да ја направиме агенцијата финкционална и да пружа советодавни услуги за земјоделците“, рече Прентовиќ.
Измените на законот кои го вклучуваат изборот на заменик-директорот се во процедура и ќе бидат донесени по скратена постапка.
Габриела Димковиќ-Мишевска