„Неспособност, хаос, лаги и понижување е се што видовме од новата влада на СДС во првите 100 дена.
Во изминатите 100 дена СДС ја прекина изградбата на автопатите за кои беа речиси целосно изградени од страна на владата ан ВМРО-ДПМНЕ. Останаа само помали зафати кои можат да се решат за неколку дена, но очигледно СДС нема политичка воља за тоа.
Над 300.000 пензионери останаа измамени и не го добија покачувањето кое требаше да го добијат доколку МВРО-ДПМНЕ формираше влада. Пензионерите се сеќаваат дека и во претходниот мандат на СДС на пензионерите им беа одземени 8% од пензиите.
Позади себе оставија хаос во здравството. За само една недела го имавме најцрниот биланс во болниците. Пациенти беа тепани во болничките кревети. Запрена е изградбата на новиот клинички центар за кој се беше подготвено, обезбедени беа средства, само требаше да почне да се гради.
Неспособноста на владата на СДС се виде во моментите кога во Македонија беснееа пожари на планините, а министрите си отидоа на одмор. 26 министри не успеаа со денови да се справат со два пожари во депониите близу до градовите, а граѓаните беа оставени да се молат да заврне дожд за да се реши нивниот проблем.
Овој кошмар може да се прекине на 15-ти октомври“, се вели во реакцијата на ВМРО-ДПМНЕ на соопштението на СДСМ.