ВМРО-ДПМНЕ со писмено соопштение реагира на прес конференцијата на Васко Ковачевски од СДСМ.
„Васко Ковачевски денеска ја доби улогата да се бламира себеси со пласирање на клевети само за да ги прикрие криминалите на Зоран Заев, злосторничкото здружение околу него и наркомафијата која му помага на СДС.
Васко Ковачевски денес покажа дека сите лажни вести во медиумите под контрола на СДС/Сорос се вести креирани на Бихаќка.
Ниту Сашо Мијалков, ниту ВМРО-ДПМНЕ имаат каква било поврзаност со договорот на РЕК Битола или со фирмата која што го добила тендерот.
Со пласирање на ваквите лаги Васко Ковачевски нема да му помогне на Зоран Заев да го протурка на мала врата распродавањето на највисоките државни и национални интереси. Криминалецот Заев е прочитан. Криминалецот Заев е минато. Народот му застана на пат.
Не е прв пат на СДС да излегува со лаги и клевети за ВМРО-ДПМНЕ и Сашо Мијалков. Бараме Васко Ковачевски веднаш да се извини за изнесените лаги и клевети за ВМРО-ДПМНЕ и Сашо Мијалков. Укажуваме дека медиумите кои ги објавуваат лажните информации од Ковачевски се должни да го пренесат овој демант. Во спротивно ќе следат соодветни тужби“ стои во реакцијата од ВМРО-ДПМНЕ.