„Откако СДСМ е на власт образованието тоне во хаос. СДСМ лаже кога вели дека со законот за наставници се покачуваат платите, затоа што тој единствено има врска со членот со кој се овозможува брутална партизација“, реагира ВМРО-ДПМНЕ на прес конференцијата на Санела Шкријељ.
„СДСМ единствено за што се грижи е како да го партизира образованието. Ако им беше за покачување на платите ќе го поддржеа предлогот на ВМРО-ДПМНЕ, кој тие го одбија за да се покачат платите.
ВМРО-ДПМНЕ нема да дозволи да се гради систем на нееднаквост и нерамноправност, бидејќи образованието не е шведска маса на политички поени иако за жал СДСМ го доведе до степен.
Неквалитетни решенија заради партиски амбиции во образовниот систем нема да има.
Лажната грижа на СДСМ за просветните работници и административниот кадар во образованието излезе на виделина“, се вели во реакцијата на ВМРО-ДПМНЕ.