ВМРО-ДПМНЕ и дефинтивно се откажа од поднесување приговори за гласањето за градоначалник во Општина Центар и Струга.
Вечерва истече рокот во кој претставниците на кандидатите можеа да поднесат приговори до ДИК за гласањето, со ова и дефинитивно Андреј Жерновски е градоначалник на Центар, а Зијадин Села од ДПА на Струга.
По ова ДИК треба да им издаде уверенија на Жерновски и на Села за да стапат на функцијата.
Утре во Општина Центар по иницијатива на новоизбраните советници од Сојузот за Иднината ќе се одржи конститутивна седница на советот на општината.
Бидејќи на изборите повеќе советнички места доби опозицискиот блок, нов претседавач на советот најверојатно ќе биде Мирослав Шиповиќ.
ДУИ се уште не се откажува од Долнени каде што според резултатите од вториот изборен круг повеќе гласови доби кандидатот од ВМРО-ДПМНЕ.
Партијата на Ахмети поднесе 5 приговори за гласањето во оваа општина, по нив ќе расправа и ќе донесе одлука ДИК. Доколку ДУИ е незадоволна од решението на ДИК има право на тужба до управниот суд чии што одлуки се конечни.