„ВМРО ДПМНЕ најостро го осудува фрапантниот јавен говор на омраза на функционерот на СДС Мирослав Грчев. Тој во пишана колумна испраќа фашизоидни пораки на поделба, сегрегација и јавен повик за уништување.
Функционерот на СДС најсрамно навреди 455 илјади граѓани кои гласаа за коалицијата на ВМРО ДПМЕ на претходните избори. Мирослав Грчев на сите им порача, цитирам: „вмровскииот ген мора да се искорне од телото на македонската држава“. Морало да има дезинсекцијата, дезинфекцијата и деконтаминацијата од смртоносниот ген на ВМРО-ДПМНЕ”, порачува Грчев.
И најважно, ова е конкретен пример за хистеријата која ја креира СДС и Зоран Заев, а кој веќе доведе до монструозен обид за убиство на Никола Тодоров, бомба во куќата на Милошоски, и редица други инциденти кои се плод на црната кампања на СДС.
Ова е хајка и поттикнување одмазднички акции. Очигледно вака ја замислува демократијата СДС. Ова е срам за државата, срам за демократијата. Ова ли е животот кој го ветуваше Зоран Заев“, изјави Орце Ѓеорѓиевски .