ВМРО-ДПМНЕ денеска оцени дека се додека истрагата за сквернавањето на православните гробишта во Љуботен стои во место, безбедноста на граѓаните е загрозена.
Дејан Митровски од ВМРО-ДПМНЕ изјави дека поради ова надлежните во Министерството за внатрешни работи треба да понесат одговорност.
– МВР и министерот за внатрешни работи Оливер Спасовски целосно потфрлија за тоа за кое се платени со пари на граѓаните. Тие очигледно не се грижат за редот и мирот во државата, а сторители на кривични дела, како свернавење на гробишта, креирање на тензии и поттикнување верска и национална омраза, се оставаат слободно да се шетаат и да ги поворуваат одново. Како поинаку граѓаните да го толкуваат фактот дека после 12 дена сеуште не се откриени сторителите на вандалскиот чин во Љуботен кога беа уништени 30-тина православни гробови, рече Митровски.
Тој додаде дека штетата од овој чин не е само материјална, туку може да влијае и на меѓуетничките односи во Бутел.
