Од ВМРО ДПМНЕ преку соопштение велат дека „на Коалицијата ДУИ и СДСМ на чело со спикерот Талат Џафери помил им е на Венко Филипче отколку животите на граѓаните на Тетово“.
„Денес Собранието на чело со Талат Џафери и мнозинството на СДСМ и ДУИ застана во целосна одбрана на Зоран Заев и Венко Филипче. Власта денес остана без мнозинство во Собранието се со цел само да го заштити двоецот Филипче Заев. Талат Џафери и ДУИ се во целосно одбрана на најнеспособниот министер Венко Филипче“, велат од ВМРО ДПМНЕ.
Во продолжение, прашањата кои ВМРО ДПМНЕ ги поставува во соопштението:
· Како се градени модуларните болници, од каков материјал и на кој начин?
· Дали министерството за здравство побарало од изведувачот минимум стандарди за градба на модуларните бараки?
· Колку е платено за нивната изградба и дали тоа соодветствува со добиениот производ?
· Зошто немало противпожарни апарати и систем за противпожарна заштита?
· Зошто немало доволно медицински персонал, и каква е таа здравствена заштита во која лекари се роднините на болните?
· Зошто било плаќано мито за грижа на пациентите?
· Кој од власта се заканува врз роднините на жртвите од несреќата и ги опоменува што да сведочат?
· Ако одделот за организиран криминал на обвинителството не води постапка, тогаш кој тоа го прави во обвинителството?
· Дали ОЈО ја слушна изјавата на премиерот кој призна дека е длабоко инволвиран во истрагата која мора да биде непристрасна и објективна?
· Што треба дополнително да се случи за да Зоран Заев и Филипче си поднесат оставки и ја ослободат истрагата?