„Министерот за здравство за жал влегува од скандал во скандал кој граѓаните ќе ги чини многу скапо.
Министерот за здравство денес без срам и перде најавува не 33, туку 50 директори на здравствени установи дека ќе бидат заменети и со тоа доведена во прашање функционалноста и здравствената услуга на голем број здравствени установи ширум државата.
Оваа одлука на министерот е само уште една потврда дека новата влада нема намера да го унапредува здравствениот систем, туку напротив го руши. Заради тоа ни се случуваат епидемии од најслаб облик од која имаме две човечки жртви и десетици хоспитализирани граѓани.
Предупредуваме, многу сериозно предупредуваме дека ваквата масовна, неоправдана и незаконска смена на директори на клиники е направена без вредносни критериуми и аргументи, туку само како резултат на реваншизам и намера за партизирање, а уште посериозно предупредуваме дека овој масакар во здравството неминовно, но за жал сигурно, ќе доведе до сериозно последици по здравјето и интересите на граѓаните. Впрочем како поинаку да се толкува фактот што се менуваат професионалци и докажани кадри како што е директорот на клиниката за кардиологија Сашко Кедев.
Јавноста треба да знае дека секоја погрешна политика која сега ja превзема министерот за здравство и владата на СДС ќе има последици во нередниот период и особено на штета на граѓаните. Овие одлуки кои ги прави денес власта се целосно дерогирање на здравствениот систем и загрозување на функционирањето на здравствените установи. Постои сериозна опасност поради непрофесионалноста, неодговорноста и негрижата на власта на СДС и министерот за здравство, ситуации со епидемијата во Симница, гостиварско да ни се повторуваат со уште поголеми жртви и штети“, изјави Марија Андоновска.