Република Македонија нема потреба од нов Зоран Заев. На граѓаните им е преку глава од понижување и обесчестување на државата, граѓаните сакаат претседател кој ќе ги брани нивните интереси, реагираа од опозициската ВМРО-ДПМНЕ на денешната изјава на премиерот Зоран Заев.
„Очигледен е стравот кај Зоран Заев и СДСМ од Гордана Силјановска Давкова, личност со интегритет и капацитет да ја води државата, нешто што го докажала низ годините со нејзината професионалност.
Зоран Заев и луѓето околу него немаат капацитет да го обединат општеството, напротив тие само го разделуваат. Две години потрошија на антидржавни закони и договори, кои само го разединија општеството и граѓаните.
Заев и СДСМ се синоним на поделнби и штетни политики. Заев и СДСМ треба да си заминат. Овие луѓе неможат да бидат додадена вредност за Република Македонија, со СДСМ државата само тоне“, се вели во реакцијата.
