„Ова се први избори во кои што беше убиен директен учесник во изборниот процес. На кандидат за градоначалник му беше скршен черепот, а секојдневно пристигнуваат сведочења за закани со оружје, заплашувања и поткуп. Десетици штабови беа демолирани, а криминалци ослободени од затвор беа целосно вклучени во кампањата на СДС. Гласачки листови од едни општини беа наоѓани во други и десетици записници откриваа докази за таканаречениот бугарски воз.
Лагите на Заев нема да го покријат фактот дека се одржаа најкриминалните избори досега. ДИК беше ставена под целосна партиска контрола, а нејзините членови кои не ги слушаа наредбите на Заев беа заплашувани со пријави и обвиненија од СЈО.
Ваквите криминали еден ден ќе се истражат, документираат и за нив ќе има одговорност. Кавадарци ќе има можност да го даде својот глас против криминалот и лагите на Зоран Заев на 29 октомври.
Неспособната власт на СДС ја урниса македонската економија за четири месеци. Сите индикатори се во надолна линија, нови странски инвестиции нема, а Заев уште ги лаже младите со измислената младинската гаранција.
Младите од Кавадарци може да му кажат вќе следната недела што мислат за ваквото потценување“, се вели во реакцијата на ВМРО-ДПМНЕ на изјавите на Зоран Заев.