„Димитар Ковачевски е пион на Зоран Заев и верен продолжувач на заевизмот. Цело време молчеше додека заевизмот ја туркаше Македонија во кризи, па и самиот беше учесник во лошите политики на власта, и затоа сега тој не може да се нуди како решение. Ковачевски пиунот на Заев е лика и прилика на Заевизмот со сите нишани, почнувајќи од неодговорноста, па до манипулациите“, соопшти ВМРО-ДПМНЕ.
„Ковачевски, пионот на Заев, беше фатен во пропагандната лага на заевизмот која се обидуваше да го прикаже како хардварски студент, а всушност тој посетувал неколку дневен скапо платен курс. Уште повеќе што постои основан сомнеж како ја стекнал и неговата докторска титула, имајќи предвид дека докторатот го одбранил во Црна Гора во време кога неговиот татко е амбасадор во таа земја, а тој во исто време е носител на висока позиција во македонскиот телеком.
За докторски студии потребно е докторантот да престојува во земјата каде се наоѓа Универзитетот, да врши истражувања и друг вид активности. Но очигледно во заевизмот се е можно.
Ковачевски, пионот на Заев не може да биде иднината на Македонија. Тој може да биде само верен послушник и ништо повеќе.
Вистинскиот напредок на Македонија е можен само со пораз на заевизмот на предвремени парламентарни избори“, се наведува во соопштението на ВМРО-ДПМНЕ.