Владејачката ВМРО-ДПМНЕ денеска со реакција на говорот на лидерот на опозициската СДСМ, Венко Филипче на партиската трибина насловена „Македонија понижена – Една година Влада“, нагласувајќи дека неговите политики се продолжение на стариот режим на Заев.
-Секоја чест на актерската изведба на Венко Филипче – само што народот не аплаудира, туку превртува очи. Кога ќе се појави тој, сите веднаш се потсетуваат на изгорените животи во модуларните болници, на кинеските вакцини платени а неснабдени, како и на милионските тендери поделени во 4 очи со неговите пријатели од политиката. Човекот кој ја водеше најсрамната здравствена политика во историјата, денес држи предавања за достоинство. Навистина одличен материјал за стенд-ап комедија Седум години ја влечевте Македонија по кал. Ги осиромашивте граѓаните, ги исплашивте инвеститорите, ги партизировавте институциите до последниот портир и ја претворивте државата во бокс-ринг за вашиот внатрешен картел, нагласува ВМРО-ДПМНЕ.
Партијата додава дека сега кога конечно некој почна да расчистува, се јавува токму Венко да каже дека „немало перспектива“.
-Перспективата, господине Филипче, исчезна кога вие се качивте во бизнис-класата и почнавте да ги носите пријателите на скапи патувања, додека пациентите ги носеа во нестерилизирани сали со фотоволтаици што никако не стигнаа. Сега ви пречи што новата влада наместо бизнис во Дубаи, избра работа дома. Што наместо пропаганда, избра проекти. И што наместо тендери за свои, воведе одговорност за сите. Да, се живее тешко – ама за првпат по долго време, не поради кражби, туку поради отплата на вашите долгови. Македонија не е понижена, Македонија се издигнува – а вас ве остава зад себе. И не – нема да ве чека. Затоа седнете си, одморете од лагите. Овојпат – без тендер. И јавете му се на Заев, може има некој концерт, за вас е, се наведува во партиското соопштение.
